Siglir tar il cuntegn
Inhalt

Exteriur Aviun da la Swiss sto turnar a Turitg

L'Airbus A330 da la Swiss ha stuì interrumper il sgol a New York pervia da problems tecnics.

A330.
Legenda: L'aviun ha stuì far ina pausa sfurzada da tschintg uras. Keystone

L'Airbus A330 da la Swiss è intginas uras suenter ch'el era partì cun quatter uras retard vers New York puspè turnà a Turitg. Quai pervia da problems cun in propulsur.

Pausa sfurzada

La maschina cun 232 passagiers era gist suenter il start però memia greva per sa tschentar. Cunquai che quest tip d'aviun na po però betg dar giu carburant, ha l'aviun uschia stuì star tschintg uras en l'aria per arder la quantitad correspundenta cherosin. Uschia è la maschina ch'era partida a las 21:00 da Turitg a las 02:00 puspè sa tschentada al eroport da Kloten a moda segira.

Swiss

La Swiss posseda ina flotta da 90 aviuns e maina tras radund 400 sgols per di. En in onn sgolan damai radund 17 milliuns passagiers cun la Swiss.

Tenor la Swiss n’haja dà nagin privel per ils passagiers. Els han pudì passentar la notg en hotels a Turitg. Che la Swiss stoppia interrumper sgols pervia da tals problems è tenor atgnas indicaziuns «fitg rar».

RR novitads 06:00