Siglir tar il cuntegn
Inhalt

Exteriur Avantatg per candidat da la presidenta Kirchner

En l'Argentina para quai da dar ina victoria dal candidat da la partida regenta, tar la decisiun preliminara per l'elecziun dal president.

Daniel Scioli discurra suenter l’elecziun preliminara, dasper sia dunna Karina Rabolini.
Legenda: Daniel Scioli discurra suenter l’elecziun preliminara, dasper sia dunna Karina Rabolini. Reuters

Tenor las prognosas d'emetturs da televisiun è Daniel Scioli da la partida da la presidenta Cristina Kirchner a la testa. Ad el suonda il burgamester da Buenos Aires, Mauricio Macri, da la coaliziun dal center dretg «Cambiemos».

Il votum vala sco prova per l'elecziun ch'è ils 25 d'october. Pervi da la limitaziun d'uffizi na dastga la presidenta Cristina Kirchner, ch'è dapi il 2007 en uffizi, betg candidar ina terza giada.

RR Novitads 06:00