Dapi l'entschatta zercladur saja stà enconuschent ad els che l'allevament da giaglinom pudessi avair in problem cun l'insecticid Fipronil. Quai ha confermà ina pledadra da l'autoritad da mangiativas da la Belgia.Damai ch'els hajan cumenzà investigaziuns pervia da cugliunaria, n'hajan els betg fatg public questas infurmaziuns.
L'insecticid per cumbatter plugls, Fipronil, è vegnì sin farmas da giaglinom tras in med da nettegiar. Pertutgadas èn farmas en ils Pajais Bass en la Belgia ed en la Germania. Plirs grossists han sinaquai chalà da vender ovs importads dals pajais pertutgads ubain instradà controllas.
RR novitads 17:00