L'automobilist saja charrà intenziunadamain cun ses auto en la fulla da glieud. Sco il pledader da polizia ha ditg duas uras suenter il schabetg, na sajan ils motivs da l'automobilist anc betg clers. Plinavant saja anc memia baud da specular, schebain i sa tractia d'in act terroristic u betg. L'automobilist ed in segund um che seseva era en l'auto haja la polizia arrestà.
Set persunas èn vegnidas blessadas grevamain. Tenor il pledader da polizia èn quellas en l'ospital. Tranter ils blessads saja er in pop, tenor Sky News Australia haja quel grondas blessuras dal chau.
RR novitads 12:00