Auto charrescha en fermadas da bus a Marseille

En la citad da Marseille è in auto charrà en duas fermadas da bus. Ina persuna è morta, in'ulteriura blessada grevamain.

plirs autos da polizia èn sa fermads avant ina fermada da bus

Legenda da maletgs: L'incap è succedì en il conturn dal vegl port da Marseille. twitter.com/liveuamap

  • A Marseille è in auto siglì en duas fermadas da bus. Quai ha communitgà ina pledadra da la polizia.
  • Almain ina persuna saja vegnida mazzada ed in'ulteriura blessada grevamain.
  • Tenor las autoritads na saja betg stà in act terroristic.
  • Il manischunz da 35 onns para d'avair problems psichics. El è en arrest.
  • Via Twitter ha la polizia appellà a la populaziun dad evitar il conturn dal port vegl da la citad en la Frantscha dal Sid.

In automobilist cun ina malsogna psichica è charrà en la citad da port Marseille en duas fermadas da bus. Ina dunna è vegnida mazzada, in'ulteriura blessada grevamain.La procura publica sclauda ch'i sa tractia dad in'attatga terroristica, il manischunz haja para problems psichics. El saja enconuschent a la polizia sco pitschen criminal. Davart il motiv dal manischunz na datti però anc naginas indicaziuns uffizialas.

La polizia ha appellà a la populaziun da guntgir la regiun enturn il vegl port da Marseille.

RR novitads 12:00