Tschertas agenturas rapportan d'ina concentraziun d'acid blau ch'è per 356 giadas sur la limita legala. La mesemna aveva l'autoritad da sanadad da Tianjin anc communitgà che l'aua da baiver correspundia als standards naziunals e na saja betg nuschaivla.
Chemicalias privlusas datiers da quartiers d'abitar
En il magasin ars ora sa chattavan 2’500 tonnas da 40 differentas chemicalias privlusas. Quai communitgescha l’agentura da novitads Xinhua, sa referind a la regenza da Tianjin. En l’avegnir na duajan talas substanzas betg pli vegnir magasinadas datiers da quartiers d’abitar.
Tar l'explosiun dal magasin èn almain 114 persunas mortas, passa 670 persunas èn vegnidas blessadas.
RR novitads 14:00