Siglir tar il cuntegn

Header

Navigaziun

Alexander Van der Bellen ch'è quasi elegì.
Legenda: Alexander Van der Bellen è quasi elegì. Reuters
cuntegn

Exteriur Austria: Van der Bellen è il nov president

Il nov president da l'Austria - Alexander Van der Bellen - vul esser avert vers il mund e cuntinuar la via europeica. Quai a el ditg en ses emprim pled suenter si'elecziun.

Il nov president da l'Austria - Alexander Van der Bellen - vul esser avert vers il mund e cuntinuar la via europeica. Quai a el ditg en ses emprim pled suenter si'elecziun.

Il resultat final provisoric mussa Van der Bellen surprendentamain cler avant ses concurrent Norbert Hofer da la FPÖ. Quel a lu era concedì sia terrada e gratulà al nov president.

Van der Bellen declera sia clera victoria sco suonda:

Van der Bellen surstà da ses cler avantatg

Tenor il resultat provisoric vegn Van der Bellen sin passa 53% da las vuschs. Ses concurrent da la FPÖ, Norbert Hofer, vegn sin radund 47% da las vuschs. Hofer ha gia concedì sia terrada e gratulà a Van der Bellen. Van der Bellen sez è stà surstà da ses cler avantatg. Tenor experts èsi segir che Van der Bellen gudogna l'elecziun. Il resultat final vegn spetgà en il decurs d'oz suentermezdi.

Terza emprova

Questa elecziun dal president da la Confederaziun è ina repetiziun da l’elecziun decisiva il matg passà che Van der Bellen aveva gudagnà piz a cup. La dretgira constituziunala aveva però declerà il resultat da l’elecziun sco nunvalaivel pervi da sbagls da procedura cun dumbrar las vuschs ch’eran vegnidas per posta. Silsuenter ha l'elecziun stuì vegnir spustada ils 2 d'october 2016. Quai quai pervi che las brevs d’elecziun na pon betg vegnir serradas correct. Uschia avess la dretgira constituziunala strusch laschà valair il resultat da l'elecziun.

Reacziuns internaziunalas

Van der Bellen ha survegnì bleras gratulaziuns er da l’exteriur. Il president dal cussegl da l’UE, Donald Tusk ha tranter auter suttastritgà l’impurtanza da l’Austria per mantegnair l’unitad europeica e da chattar schliaziuns communablas en in temp difficil.

Er il president dal parlament da l’UE, Martin Schulz, ha gratulà a Van der Bellen. Sia victoria saja ina greva sconfitta per il naziunalissem ed il populissem antieuropeic, ha scrit Schulz sin Twitter.

RR novitads 18:00