Austria - Karl Nehammer duai daventar il nov chancelier

Il minister da l’intern d’enfin qua, Karl Nehammer, duai daventar il nov chancelier austriac e nov schef da la partida populara ÖVP. Quai ha la suprastanza da la partida da l’ÖVP decis unanimamain. Ils uffizis ston vegnir occupads da nov damai che l’anteriur chancelier austriac e schef da l’ÖVP, Sebastian Kurz e l’actual chancelier, Alexander Schallenberg, èn sa retratgs quest’emna.