Siglir tar il cuntegn

Header

cuntegn

Austria / Italia Aua gronda en vischinanza da Salzburg, Tirol e Tirol dal sid

Entant che la situaziun d’auas grondas sa calma plaunet en Svizra, èn parts da l’Austria vegnidas inundadas. Suenter ferma plievgia sajan parts da la citad da Hallein dasper Salzburg vegnidas inundadas. Quai ha communitgà la polizia austriaca. Actualmain na dettia naginas indicaziuns uffizialas davart unfrendas. Dentant sajan pliras persunas vegnidas salvadas cun bartgas ord lur chasas.

Er en autras parts da las Alps austriacas è la situaziun tendida. Uschia hajan ils pumpiers stuì pumpar or blers tschalers enturn la citad da Kitzbühel en il Tirol. Er a Vienna, la chapitala austriaca, sajan ils pumpiers stads passa 500 giadas en acziun. A Kufstein, Tirol, appelleschan las autoritads a la populaziun da betg bandunar las chasas.

Auas grondas en Italia

Era en l’Italia hai dà inundaziuns en diversas regiuns. Sin la Sicilia han forzas d’intervenziun rapportà da tschients d’intervenziuns en la citad da Palermo e conturns. I na dettia però betg problems critics là. Ed era en il Tirol dal Sid han ils meteorologs registrà fermas plievgias las ultimas 24 uras. Là hai dà bunamain 50 liters plievgia pro meter quadrat tranter ier a bun’ura e oz a bun’ura.

RTR novitads 06:00

Artitgels legids il pli savens