Siglir tar il cuntegn
Inhalt

Exteriur Austria introducescha controllas da cunfin al Brenner

L'Austria ha cumenzà a construir in implant per rinforzar sias controllas da cunfin al pass dal Brenner. En l'avegnir duai dar al parcadi per camiuns al Lai dal Brenner in post da controlla cuvert, quai ha communitgà la polizia austriaca.

Pass dal Brenner.
Legenda: Al parcadi per camiuns al Lai dal Brenner duai vegnir construì in post da controlla cuvert. Keystone

L'intenziun saja d'impedir che fugitivs viageschian illegalmain da l'Italia en l'Austria. L'Italia crititgescha questa mesira. Construir ina barriera saja in sbagl gravant, uschia il secretari statal per dumondas d'Europa Sandro Gozi.

Il pass dal Brenner è ina impurtanta ruta tranter nord e sid per il traffic da rauba e turissem. La zona da controlla en la muntogna tirolaisa duai vegnir fabritgada sumegliant sco quella al cunfin cun la Slovenia a Spielfeld.

RR novitads 14:00