Siglir tar il cuntegn

Header

cuntegn

Exteriur Australia: 70 chasas arsas

En l’Australia ha in incendi da guaud destruì passa 70 chasas ed auters bajetgs. Passa 150 pumpiers sajan en acziun per cumbatter las flommas che furian sin ina surfatscha da passa 40'000 hectaras en la vischnanca da Tathra.

En la vischnanca pertutgada, 450 km en il sid da Sydney, vivan radund 1’600 persunas. Er numerusas chamonas da riva e rulottas èn vegnidas devastadas. Pliras persunas èn vegnidas blessadas, morts n'hai dentant betg dà.

Daco che l’incendi è rut ora, n’è anc betg enconuschent. I vegn supponì ch'ina chamegiada haja chaschunà l'incendi. Ferms vents e temperaturas fin 38 grads hajan lura laschà sa rasar ora pli spert il fieu.

RR novitads 09:00

Artitgels legids il pli savens