Auas grondas en Frantscha cun almain 4 morts

Tar las auas grondas en la Frantscha èn mortas almain quatter persunas, quai ha ditg il primminister Manuel Valls. 24 ulteriuras persunas èn sa blessadas.

Il flum Seine che va tras Paris.

Legenda da maletgs: La Seine ha cuntanschì il pli aut nivel dapi bun 35 onns. Il record era stà il 1910. Reuters

Tranter ils morts saja er in uffant da 3 onns, ha ditg il primminister Valls. 20'000 persunas han fin uss stuì bandunar lur chasas, las pli bleras en la regiun enturn Paris. Era sch'il livel da l'aua da la Seine sa sbassa plaunet, duria quai anc ditg fin ch'i dettia puspè relaziuns normalas.

La plievgia ha laschà crescher il livel da la Seine sin 6,1 meters durant las emnas passadas. Quai è il pli aut stan dapi bunamain 35 onns. L’aua è vinavant malsegira. Il trafic public a Paris è per part interrut e plirs museums, tranter auter er il Louvre, èn stads serrads. Las ovras d’art èn vegnidas transportadas en auzadas pli autas.

RR novitads 16:00