Siglir tar il cuntegn
Inhalt

Exteriur Aua tschuffa per 2 milliardas persunas

Enturn duas milliardas umans sin l'entir mund pon mo baiver aua contaminada cun fecalias. A questa conclusiun vegn l'organisaziun per sanadad mundiala WHO. Quai saja alarmant. I dovria urgentamain ulteriurs sforzs per meglierar la qualitad da l'aua da baiver.

Purtret da duas persunas che rumeschan plastic or d'in lag.
Legenda: Passa duas milliardas carstgauns han be a disposiziun aua tschuffragnada cun fecalias. Keystone

La WHO di ch'i saja d'investir bler dapli en cundriz sanitars e per mesiras d'igiena per pudair meglierar la situaziun da l'aua. Aua contaminada chaschunia differentas malsognas sco per exempel colera e diarrea. Sulettamain pervi da las consequenzas da diarrea moran mintg'onn passa mez milliun persunas.

RR novitads 11:00