Siglir tar il cuntegn

Header

Navigaziun

Forzas da segirezza examineschan il lieu da l'attentat a Quetta en il Pakistan.
Legenda: Forzas da segirezza examineschan il lieu da l'attentat a Quetta en il Pakistan. Keystone
cuntegn

Exteriur Attentat sin center da vaccinaziun en Pakistan

Tar in attentat en la citad Quetta el sidvest dal Pakistan èn almain 15 persunas vegnidas mazzadas. L’attentader saja sa siglientà en l’aria davant in center da vaccinaziun, communitgescha la polizia locala.

Tenor rapports èn 13 policists e dus civilits mortas. 25 persunas sajan vegnidas blessadas tras stgaglias da la bumba. Ils policists eran para sa rimnads per accumpagnar collavuraturs d’ina campagna da vaccinaziun cunter polio.

La citad Quetta vala sco ina bastiun d’islamists radicals e da pliras gruppas separatistas.

Campagnas da vaccinaziun èn gia pliras giadas vegnidas attatgadas d’islamists sco ils Taliban. Lezs èn da l’avis, che las campagnas sajan in cumplot per sterilisar muslims. Perquai vegnan talas campagnas er controlladas intensivamain. Plirs tozzels gidanters e policists èn daventads unfrendas d’attatgas durant ils davos onns.

RR novitads 09:00