Siglir tar il cuntegn

Exteriur Attentat da suicidi sin ina moschea mazza 13 persunas

Tar in attentat da suicidi sin ina moschea en il sid da l'Arabia Saudita èn mortas almain 13 persunas. Quai rapporta la televisiun statala.

Saudiarab che chamina vers ina moschea.
Legenda: (maletg da simbol) Moscheas èn adina puspè lieus d'attentas da suicidi. Keystone

60 ulteriuras persunas èn vegnidas blessadas. La mira da l'attatga sajan stads policists che faschevan oraziun en la moschea. L'attatga è capitada datiers dal cunfin cun il Jemen. Fin uss n'ha nagin surpiglià la responsabladad per l'attatga.

Il matg eran gia mortas 21 persunas tar in attentat da suicidi da l'organisaziun terroristica Stadi Islamic sin ina moschea dals Schiits.

RR novitads 16.00