La giustia americana rinfatscha ad in vendider d’armas da muniziun, d'avair furnì muniziun cunter tancs al tiradur d’amoc da l’october passà a Las Vegas. Il vendider n'haja betg gì la licenza per producir e vender tala muniziun. Sin la muniziun chattada en la chombra da l'hotel, nua ch’il tiradur aveva sajettà en la fulla da persunas, saja vegni chattà las improntas da det da la persuna suspectada, uschia la giustia. Al vendider smanatschan uss fin a 5 onns praschun. Tar l’attentat d’amoc a Las Vegas eran 58 persunas vegnidas mazzadas, 100 eran vegnidas blessadas.
RR novitads 10:00