Siglir tar il cuntegn

Exteriur Attatgas sirianas en l’ost da Damascus

Tar attatgas ord l'aria probabel da l'aviatica siriana èn vegnidas mazzadas almain 33 persuna e pliras persunas blessadas, rapportan activists.

Ruinas a Damascus.
Legenda: La citad da Damascus è savens finamira d'attatgas er dal Stadi islamic. (maletg simbolic) Keystone

Il post d’observaziun sirian cun sedia a Londra e che sustegn l’opposiziun siriana rapporta ch’ì sa tractia da la pli greva violaziun da la pausa da cumbat dapi ch’ella è ida en vigur dapi la fin favrer. Sco il post d’observaziun scriva sajan er plirs uffants tranter las unfrendas. Ils Stadis Unids èn sa mussads schoccads davart las attatgas probablas dal reschim da Baschar al-Assad. Talas attatgas sin civilists condemneschian ins vehementamain, ha communitgà il ministeri da l'exteriur american.

RR novitads 08:00