Siglir tar il cuntegn

Header

Navigaziun

Las attatgas russas ord l’aria pudessan dentant era anc cuzzar pli ditg che mo 3 fin 4 mais.
Legenda: Las attatgas russas ord l’aria pudessan dentant era anc cuzzar pli ditg che mo 3 fin 4 mais. Reuters
cuntegn

Exteriur Attatgas russas en Siria vegnan a cuzzar almain 3 mais

Las attatgas ord l'aria da la Russia en Siria duain cuzzar 3 fin 4 mais. I possia dentant era esser che las attatgas cuzzian anc pli ditg, ha ditg il parsura da la cumissiun per la politica exteriura, Alexej Puschkow envers l'emettur da radio franzos «Europe 1».

Puschkow ha plinavant era annunzià che la Russia vegnia anc ad intensivar las attatgas. «Jau pens che l’intensitad è impurtanta», uschia Puschkow envers l'emettur Europe 1.

La Russia sgola gia dapi mesemna attatgas en Siria. Latiers sa restrenscha il pajais tenor atgnas indicaziuns però betg mo sin miras da la milissa da terror Stadi islamic, mabain el attatga er auters rebels. Quai crititgeschan ils pajais dal vest.

RR novitads 12:00