Siglir tar il cuntegn
Inhalt

Exteriur Attatgas or da l'aria en il Jemen

Perditgas rapportan che la chapitala dal Jemen Sanaa saja vegnida attatgada il glindesdi or da l'aria. Las miras da las attatgas sajan stads lieus damanaivel da la plazza aviatica e dal ministeri da l'intern.

Adherents da Huthi.
Legenda: Ils cumbats tranter il president dal Jemen Abdullah Saleh ed ils rebels dals Huthis èn s'extendids. Keystone

La coaliziun militara manada da l'Arabia Saudita saja la suletta partida da conflict enconuschenta che fetschia attatgas or da l'aria sin la chapitala, scriva l'agentura da novitads svizra SDA.

Abitants rapportan era ch'ils cumbats tranter il president dal Jemen Abdullah Saleh ed ils rebels dals Huthis sajan s'extendids ordaifer Sanaa. Dumengia èn sulettamain en la chapitala vegnidas mazzadas 60 persunas.

RR novitads 09:00

Speziala relaziun:

Saleh ed il schef dals Huthis Abdul Malik al-Huthi eran ditg inimis enfin ch'els èn s'alliads encunter il president sunnit Abed Rabbo Mansur Hadi. L'allianza è dentant ruta.