Siglir tar il cuntegn
cuntegn

Exteriur Attatga sin polizists en l'Egipta

Nunenconuschents han sajettà giu almain 8 polizists datiers da Kairo.

In bus alv da polizists en civil è donnegià entras sajets
Legenda: Ils polizists eran sin viadi en civil cun in bus Keystone

Il ministeri da l'intern egipzian rapporta d'ina attatga sin policists. I na saja dentant anc betg cler tgi ch'è responsabel per l'attentat. L'attatga saja capitada la damaun radund 35 kilometers en il sid da la chapitala Kairo. Quatter persunas armadas sajan siglidas or d'in auto, hajan franà il bus dals polizists ch'eran en civil e cumenzà a sajettar.

Dapi la cupitgada dal president islamistic Mohammed Mursi entras il militar il 2013 han extremists rinforzà lur attatgas e mazzà tschients da persunas. Las attatgas sa drizzan tant cunter schuldads e policists sco er cunter civilists.

RR novitads 7:00