Tar la mazzacra sa tracti da la pli greva attatga terroristica en Frantscha dapi decennis. La gruppa Stadi islamic aveva surpiglià la responsabladad per l'attatga.
Il magazin aveva adina puspè provocà attatgas da la vart islamistica cun caricaturas criticas envers l’islam e la religiun. L’attatga dals 7 da schaner è vegnida condemnada sco attatga sin la libertad da d’opiniun e sin las valurs dal vest.
“Je suis Charlie”
L’unda da terror aveva effectuà in’unda da solidaritad en l’entir mund. Millis da persunas èn idas sin via per demonstrar cunter il terrorissem e per la libertad d’opiniun cun il messadi “Je suis Charlie”.
Acziun da polizia - attentaders probabels moran
En in'acziun a l'engronda aveva la polizia tschiffà dus dals attentaders probabels. Tar l'attatga sin la stamparia, nua ch'ils dus umens eran sa zuppads e prendì ostagi ina persuna, eran quels vegnids sajettads giu.