Siglir tar il cuntegn
Inhalt

Exteriur Attatga mortala amez Paris

La sonda saira ha in um mazzà en il center da la chapitala franzosa in passant e blessà quatter ulteriuras persunas. Tenor la giustia franzosa è l’attatgader in um franzos da 21 onns, oriund da la Tschetschenia.

Plirs policists a Paris durant la notg.
Legenda: Plirs policists èn sa postads datiers dal lieu da l'attatga a Paris. Keystone

Curt avant las nov la saira ha l’um fatg si’attatga, en in quartier da sortida datiers da l’opera da Paris. In passant da 29 onns è mort, e quatter ulteriuras persunas èn vegnidas blessadas. L'attatgader duai avair clamà per arab «Dieu è grond», ha ditg il procuratur public responsabel sin basa d’infurmaziuns da pliras perditgas.

Tut lascha supponer terror

Il president franzos Emmanuel Macron ha numnà l'attatgader in terrorist. Ed experts d'antiterror fan las investigaziuns. Entant ha la gruppa da terror Stadi islamic ditg d’esser responsabla per l’attatga.

RR novitads 06:00