Siglir tar il cuntegn
cuntegn

Exteriur Attatga dad in student egipzian sin turists

L’attentader a Hurghada en Egipta è in student da 27 onns. Quai rapportan las medias localas che sa refereschan a circuls da la regenza.

Dus ambulanzas parcadas ina suenter l'autra.
Legenda: Dus ambulanzas davant in hotel nua ch'il attatgader ha blessà pliras persunas. Keystone

L’um derivia dal nord dal pajais e na saja fin uss betg crudà si a moda negativa.

Il venderdi aveva l’attentader mazzà cun in cuntè duas dunnas tudestgas ch’eran a la splagia. Ellas n’eran betg turistas ma vivevan en la destinaziun da vacanzas. Quai ha ditg in enconuschent da las dus dunnas. Il ministeri da l’exteriur tudestg ha confermà lur mort.

Plinavant ha l’um blessà quatter persunas en in hotel a Hurghada. La polizia ha arrestà el. Davart ses motiv na datti anc naginas indicaziuns uffizialas.

RR novitads 14:00