Siglir tar il cuntegn

Exteriur Attatga da suicidi en Tirchia las bleras unfrendas eran uffants

Bleras da las unfrendas da l'attatga da suicidi da Gaziantep en la Tirchia eran uffants e giuvenils. 29 da las 44 unfrendas ch’èn fin uss identifitgadas sajan sut 18 onns, rapportan plirs emetturs da novitads tircs.

Fitg bleras unfrendas da l'attatga da suicidi en Tirchia eran uffants.
Legenda: Fitg bleras unfrendas da l'attatga da suicidi en Tirchia eran uffants. Keystone

22 da questas unfrendas sajan perfin pli giuvnas che 14 onns, ha communitgà il pledader da la regenza tirca. En tut eran tar l’attatga da suicidi mortas 51 persuna.

L'attatga da la sonda saira en la citad Gazientep datiers dal cunfin cun la Siria era succedida amez ina festa da nozzas curda. Fin uss n'ha nagin surpiglià la responsabladad per questa attatga. Nunenconuschents duain avair duvrà in uffant da 12 fin 14 onns per far questa attatga. Quai rapporta la gasetta tirca «Hürriyet».

RR novitads 10:00