Siglir tar il cuntegn
Inhalt

Exteriur Attatga da hackers cunter Macron

Il candidat per il presidi franzos, Emmanuel Macron, è sco i para daventà unfrenda d'ina attatga da hackers. Quai tenor infurmaziuns da sia squadra da cumbat electoral.

Ina fotografia d'Emmanuel Macron cun bandieras da la Frantscha davosvart.
Legenda: Attatgas da hacker cunter Macron. Keystone

La finamira da l'attatga da hackers cunter il candidat per il presidi da la Frantscha saja stada da discreditar Macron. Tenor las indicaziuns da collavuraturs da la squadra da cumbat sajan documents originals vegnids engulads e mess online ensemen cun infurmaziuns fictivas.

Gia l’avrigl aveva l’interpresa da segirtad dad IT Trend Micro rapportà che la campagna d’elecziun da Macron saja daventada unfrenda da l’attatga da hacker «Pawn Storm». Interpresas da segirtad dad IT dal vest supponan davos quellas attatgas ina gruppa cun colliaziun tar il servetsch secret russ.

L'independent Macron vala sco favurit per l'elecziun dal president franzos ch'ha lieu dumengia, ils 7 da matg.

RR novitads 07:00