In medi haja lura era prescrit medicaments a ses figl. La famiglia n'haja strusch pli gì contact cun el suenter ch'el saja ì en Frantscha.Ses figl na saja dentant betg stà religius, uschia il bab vinavant. L'um duai er avair prendì drogas e pitgà sia dunna.
Stadi islamic surpiglia para la responsabladad per l'attatga
Tenor ina annunzia da l'agentura da novitads Amak che stat datiers al Stadi islamic surpiglia la milissa da terror la responsabladad per l'attatga. Questa informaziun n'è dentant anc betg confermada.
Arrestà sis persunas
La polizia franzosa ha arrestà quatter ummens che stevan datiers a l'attentader, uschia l'agentura da novitads franzosa AFP. La ex dunna da l'attentader saja anc adina en arrest. Ella era vegnida arrestada gia venderdi.
Dumengia èn vegnidas arrestadas duas ulteriuras persunas, in um ed ina dunna. Quai rapporta l'agentura da novitads AFP sa referind sin la giustia.
Quai è enconuschent
L'um franzos cun ragischs tunesianas era charrà la notg sin sonda cun in camiun en ina fulla da persunas sin la promenada da Nizza. Passa 80 persunas èn vegnidas per la vita e passa 200 blessadas. Ils motivs da l'attentat n'èn però anc betg clers. Actualmain èn anc adina 18 persunas en privel da vita.
- qua chattais ils detagls enconuschents fin venderdi saira
- qua la bilantscha da las autoritads franzosas fin venderdi da mezdi
- e qua intginas reacziuns sin l'attatga
En Frantscha vala a partir da sonda ina malencurada naziunala da trais dis.
RR novitads 10:00 +
