Siglir tar il cuntegn

Exteriur Atmosfera grischuna en l'Europa-Park a Rust

L'emprim d'avust ha l'Europa-Park festivà Chalandamarz. 20 uffants da Guarda han pudì viagiar a Rust per far part al til.

20 uffants da Guarda han festivà Chalandamarz en l'Europa-Park - els stattan davant la chasa dal Uorsin da la stgella a Rust
Legenda: 20 uffants da Guarda han festivà Chalandamarz en l'Europa-Park mad

Per la festa naziunala da la Svizra ha l'Europa-Park gì l'idea d'organisar ina festa sur trais dis. En il center è stada la chasa dal Uorsin da la stgella ch'era vegnida averta il matg passà. Ils giasts han pudì far part ad ina olimpiada d'Uorsin cun disciplinas sco per exempel bittar rins en corna da chauras ubain mulscher vatgas.

Il punct culminant è lura stà il Chalandamarz, organisà da Grischun vacanzas ensemen cun Engiadina, Scuol, Samignun, Val Müstair ed il Olympia Bob Run da San Murezzan-Schlarigna.