Siglir tar il cuntegn

Exteriur Athen: Attatga sin Novartis

Ad Athen han autonoms devastà l'entrada ed ils biros da Novartis. En l’Internet è ina gruppa cun il num Rubikon sa declerada responsabla per l’attatga. Blessads n'hai betg dà.

Logo Novartis.
Legenda: Al concern vegn renfatschà d'esser corrupt. Keystone

La dumengia damaun ha ina gruppa attatgà l'entrada ed ils biros dal concern farmaceutic svizzer Novartis. Blessads hai dà nagins. Ils delinquents han bittà colur sin las fatschadas e rut las fanestras cun martels. Quai ha l'uffizier da la polizia tradì a l'agentura da novitads tudestga.

En l'internet è ina gruppa cun il num Rubikon sa declerada responsabla per la devastaziun. La gruppa renfatscha a Novartis d'esser corrupta: Ella haja influenzà medis e politichers cun daners. Medemamain renfatscha Rubikon a la giustia dal pajais da vulair zuppentar la corrupziun.

Rubikon

Rubikon è ina gruppa d'activists autonoms da la sanestra ch'emprova adina puspè da far attent sin temas anarchistics cun talas acziuns.

RR novitads 12:00