Siglir tar il cuntegn

Header

Navigaziun

Gene Cernan ha laschà avant passa 44 onns sco ultim ses fastizis sin la glina.
Legenda: Gene Cernan ha laschà avant passa 44 onns sco ultim ses fastizis sin la glina. Reuters
cuntegn

Exteriur Astronaut american Eugene Cernan è mort

L’astronaut american Eugene «Gene» Cernan è mort. El era l’ultim uman ch’aveva visità la glina. Cernan saja mort en la vegliadetgna da 82 onns, communitgescha l’agenzia astronautica americana NASA. Il december 1972 era l’astronaut stà cumandant da la nav spaziala «Apollo 17».

Cura che Cernan aveva bandunà il modul «Challenger» era el l’indeschavel uman ch’era passà sin la glina. Il pilot dal modul, Harrson «Jack» Schmitt, era il dudeschavel. Cunquai che Cernan era sco cumandant l’ultim a returnar a bord, è el fin oz l’ultim ch’è stà sin la glina.

Cernan n’è betg mo stà l’ultim uman sin la glina, mabain er il pli svelt: Cun ses vehichel lunar ha el accelerà sin 18 kilometers per ura.

«L’ultim salid» da Cernan sin il trabant da la terra dastgass anc surviver bleras generaziuns. Uschia n’ha el betg mo relaschà ses fastizs sin il terren da la glina, mabain er las inizialas da sia figlia ch’aveva lezza giada 9 onns.

RR novitads 06:00