Siglir tar il cuntegn

Header

cuntegn

Assagl sin il Capitol american Comité d'inquisiziun dastga examinar documents da Trump

En la dispita davart las inquisiziuns enturn l'assagl sin il Capitol american dals 6 da schaner ha l'anteriur president Donald Trump incassà ina terrada.

Il president en uffizi Joe Biden refusa la pretaisa da Trump da betg dar ora tscherts documents da sia perioda d'uffizi al comité d'inquisiziun da la chasa dals represchentants. Trump aveva fatg valair il «privilegi executiv». Quai privilegi lubescha al president da refusar da suttametter certas infurmaziuns a dretgiras u al Congress. Tenor la pledadra Jen Psaki haja president Biden decidì che quai privilegi na valia betg per quels documents. Dumondas futuras dal comité vegnian examinadas individualmain.

La regenza vegnia a collavurar cumplettamain cun il comité d'inquisiziun, ha ditg la pledadra da la Chas'alva. Tar l'assagl d'aderents da Trump sin il Capitol eran 5 persunas mortas, tranter quellas er in policist.

RTR novitads 10:00

Artitgels legids il pli savens