Assad haja dentant er ditg ch'i possia dar elecziuns pir suenter ina victoria cunter il terrorissem en il pajais, uschia l’agentura da novitads Tass.
La Russia è il pli ferm partenari da la Siria
La sonda aveva la Russia appellà las partidas da conflict en la Siria da sa preparar sin elecziuns. Il minister da l'exteriur russ Sergej Lawrow aveva ditg ch'i dovria in plan, en il qual ils interess da tut las gruppaziuns religiusas, etnicas e politicas sajan resguardads commensuradamain.
La Russia è l’allià principal d’Assad. Dapi la fin da settember s’engascha la Russia cun attatgas ord l’aria activamain en il conflict en la Siria. Dapi passa in onn sgola ina coaliziun - dirigida dals Stadis Unids – attatgas cunter il Stadi Islamic en la Siria ed en l’Irac.
RR novitads 12:00