Siglir tar il cuntegn

Header

Navigaziun

Demonstrants cun bandieras e placats.
Legenda: Demonstraziuns sin las vias en il Maroc - la chasa roiala empermetta dad examinar minuziusamain la disgrazia dal matgadant da peschs. Keystone
cuntegn

Exteriur Arrestaziuns e demonstraziuns en il Maroc

La mort crudela dad in martgadant da peschs en il Maroc ha provocà demonstraziuns ed arrestaziuns en pliras citads dal pajais.

Il martgadant da peschs (31) era vegnì splattitschà il venderdi passà da la pressa dad in camiun da rument. El era siglì sez en l’auto pervi ch’el vuleva impedir che las autoritads destruissan ils peschs, ch’ellas avevan confiscà dal martgadant.

Per protestar cunter la mort da l’um e l’arbitrariadad da las autoritads èn sin quai idas millis da persunas en differentas citads marocanas sin las vias. Igl eran las demonstraziuns las pli grondas dapi onns en il pajais.

La chasa roiala dal Maroc ha annunzià in’examinaziun minuziusa da la disgrazia.

En il Maroc vegn ad avair lieu l’emna proxima l’inscunter mundial da clima.

RR novitads 15:00