A Stuttgart han cumenzà ils dis da partida da la partida populista tudestga AfD. Pliras persunas han demonstrà cunter quests dis da partida.
Radund 2’000 commembers da l’AfD eran sa radunads per decider lur program fundamental da partida. Trais onns suenter la fundaziun vul la partida per exempel sortir da l’euro, ma er dapli democrazia e mantegnair la forza atomara.
La polizia è al lieu cun dapli che 1’000 persunas per segirar l’inscunter a Stuttgart. La damaun aveva la polizia arrestà radund 400 persunas, rapportan las forzas da segirtad.
RR novitads 12:00