Armistizi en Siria pudess cumenzar bainprest

En las contractivas per in armistizi en la Siria datti ina cunvegna da principi cun la Russia. Quai ha ditg il minister da l'exteriur american John Kerry.

Dus cumbattants en Siria portan ina racheta sin lur dies

Legenda da maletgs: Las armas pudessan bainprest taschair en Siria Keystone

L'armistizi pudess cumenzar ils proxims dis. En in discurs al telefon cun ses collega d'uffizi russ, Sergej Lawrow, hajan els cuntanschì in'enclegientscha per las cundiziuns per in armistizi ha ditg Kerry. L'armistizi pudess cumenzar ils proxims dis. Il proxim pass saja in discurs da telefon tranter il president american Barack Obama e ses collega russ Wladimir Putin. Els duain discurrer tant pli svelt davart la realisaziun da l'armistizi.

La Russia ha confermà ils discurs. Suenter in emprim telefonat la sonda saira hajan Lawrow e Kerry cuntinuà lur discurs davart l'armistizi planisà en la Siria. Quai ha il ministeri da l'exteriur russ communitgà.

Entant han attentats da la fin d'emna en la chapitala siriana Damaskus ed en la citad da Homs chaschunà la mort d'almain 150 persunas.

RR novitads 14:00