Siglir tar il cuntegn

Header

Navigaziun

Il president russ Wladimir Putin
Legenda: Il president russ Wladimir Putin è cuntent cun las contractivas. Keystone
cuntegn

Exteriur Armistizi – Armas en l'Ucraina taschan

L'inscunter suprem da crisa a Minsk ha decidì ina pausa da cumbat, quai tenor il president russ Wladimir Putin.

La pausa duai valair davent la dumengia ha ditg Putin suenter las contractivas cun il president ucranais Petro Poroschenko, il president da la Frantscha, François Hollande sco era cun la chanceliera tudestga Angela Merkel.

Plinavant duain las armas grevas vegnir retiradas or dals territoris da cumbat e la Russia garanteschia la suveranitad e l'integritad territoriala da l'Ucraina. Putin ha ditg vinavant che l'Ucraina stoppia refurmar la constituziun per ch'ils dretgs dal pievel en l'ost dal pajais vegnan respectads.