L'armada ha annunzià da vulair cuntinuar fin l'urden public saja puspè segirà. Las acziuns militaras èn en questas citads, che han dapi intgins dis in scumond da sortida.
Tirchia vul sa retrair or da l’Irac
Entant ha la Tirchia annunzià da retrair sias truppas or dal nord da l'Irac. Tenor atgnas indicaziuns duai quai vegnir fatg per calmar la situaziun tendida. Il ministeri da l'exteriur tirc scriva ch'el piglia resguard sin la sceptica iracaisa.
Il venderdi aveva il president american, Barack Obama pretendì en in telefonat cun il president tirc, Recep Tayyip Erdoğan, da retrair sias truppas or da l'Irac e da respectar la suveranitad dal pajais vischin. L'entschatta december aveva la Tirchia tramess 150 schuldads e 25 tancs en l'Irac.
RR novitads 08:00/11:00