L'armada da la Siria ha tenor atgnas communicaziuns mazzà in aut cumandant da la milissa terroristica Stadi islamic. Quai saja capità durant d'attatgas ord l'aria scriva l'agentura da novitads Sana.
Il post d'observaziuns per dretgs umans en la Siria conferma las attatgas ord l'aria. En tut sajan 26 cumbattants da l’uschenumnà Stadi islamic vegnids mazzads.
Il cumandant mazzà aveva funcziunà en la regiun sco guvernatur proclamà sez per il Stadi islamic.
