Ils pajais da l’Uniun Europeica stoppian surpigliar dapli responsabladad en connex cun la segirezza. Quai ha ditg il president da la cumissiun da l’UE, Jean Claude Juncker. El patratga schizunt vid in’armada europeica.
Ils Euopeans stoppian sa distatgar da l’idea ch’ils Americans sajan responsabels per la segirezza da l’Europa. Quai independent dal nov president american Donald Trump. Lez aveva annunzià en il cumbat electoral ch’el vegnia a reducir l’engaschi american en la Nato l’organisaziun dal pact da l’atlantic dal nord.
