Arabia Saudita sa participescha vid Uber

L'Arabia Saudita sa participescha da nov vid il servetsch da passagiers Uber. Il fond statal haja investì 3,5 milliardas dollars en Uber e survegnì persuenter in sez en il cussegl d'administraziun. Uschia vul il pajais daventar pli independent da l'ieli.

In maun che tegna in telefonin cun avert l'app d'Uber. En il fund in taxi.

Legenda da maletgs: In pass vers ina visiun. Il plan da l'Arabia Saudita «Vision 2030» duai purtar dapli independenza da l'ieli. Reuters

La participaziun vid Uber è ina part dal plan da l’Arabia Saudita da daventar independenta da las entradas d’ieli. Da l'autra vart survegn Uber cun l'Arabia Saudita in impurtant partenari per pudair expander pli fitg en il Proxim Orient Avant curt avevan ils Saudis gia fixà ina cooperaziun cun il gigant d’industria american General Electric.

Tenor atgnas indicaziuns saja Uber represchentà en quasi 70 pajas e vegnia valità cun 62,5 milliardas dollars. L’Orient Central e l’Africa dal Nord èn ils martgads nua che Uber crescha actualmain il pli svelt. 19’000 manischunzs duain lavurar per Uber. En l’Arabia Saudita è Uber represchentà dapi il 2014.

RR novitads 06:00