Siglir tar il cuntegn

Exteriur Apple sa perstgisa per ils iPhones pli plauns

Tenor il concern saja quai stà necessari da reducir la prestaziun per ch’ils telefonins na vegnan betg donnegiads.

iPhone 4
Legenda: Telefonins sco quest iPhone 4 vegnan adina pli plauns. Keystone

En la dispita davart ils iPhones pli vegls che vegnan fatgs pli plauns è Apple entant sa perstgisà tar ses utilisaders. Ins n'haja mai fatg insatge per scursanir sapientivamain la durada da vita d'in iPhone, uschia il concern.

Midada da battaria pli bunmartgada

Tuttina ha Apple annunzià da vulair sbassar il pretsch per tscherts accus da reserva. Avant in'emna aveva il concern concedì che la software da l’iPhone fetschia vegnir pli plaun ils telefonins tar tscherts problems cun l’accu.

Plant cunter Apple

En ils Stadis Unids èsi perquai vegnì inoltrà plirs plants cunter Apple. Ils accusaders argumenteschan ch'ina midada da l’accu saja bler pli bunmartgada ch'in nov telefonin. Apple na fetschia dentant betg attent ils clients sin questa opziun.

RR novitads 06:00