Siglir tar il cuntegn

Header

cuntegn

Exteriur Apple: nov record da gudogn grazia ad in nov product

Il concern american Apple n'ha durant il temp da Nadal betg pudì vender dapli iPhones che uschiglio. Cunquai ch'il nov iPhone X è dentant pli char, han ins en il davos quartal pudì far dapli svieuta e gudogn.

Apple ha fatg in gudogn da record en il davos quartal. En il quartal da Nadal ha il gigant digital fatg in gudogn da bunamain 20 milliardas, damai 12% dapli che l'onn 2016. Er sch'il quartal da Nadal è stà 13 emnas pli curt. Quai betg perquai ch'ins ha pudì vender dapli iPhones che ils auters onns, mabain cunquai ch'il nov Iphone X è pli char.

La svieuta è tenor Apple s'augmentada a radund 13% sin 88,3 milliardas dollars. Il iPhone X è tenor il schef dad Apple Tim Cook il product ch'ins ha vendì il pli bler.

RR novitads 08:00

Artitgels legids il pli savens