En in'intervista cun l'emettur da televisiun ABC ha Cook defendì la posiziun da ses concern, da betg vulair sustegnair las autoritads americanas per decodar telefonins. El tschertgia il discurs direct cun il president american Barack Obama ha ditg Cook.
L'emna passada ha la polizia federala FBI pretendì da Apple da gidar ella da decodar l'iphone d'in dals attentaders da San Bernardino en la California. Il FBI aveva argumentà ch'i giaja sulet per l'agid en in cas singul. Apple avertescha ch'in tal pass flaivlentia la tecnica.
RR novitads 06:00
