Siglir tar il cuntegn

Header

Navigaziun

Dunna brasiliana cun uffant en bratsch.
Legenda: Ins suppona ch'il virus chaschunia grevas defurmaziuns dals uffants betg naschids. Keystone
cuntegn

Exteriur Appel da la WHO pervia dal virus Zika

En vista al fatg ch'il virus da Zika sa derasa appellescha l'organisaziun da sanadad mundiala WHO a tut las dunnas en tut las regiuns periclitadas da sa proteger. Cunter morsas da mustgins per exempel cun vestgadira correspundenta.

Perquai ch'il virus po era vegnir surdà cun liquid dal sem duess ins adina duvrar in condom en relaziuns sexualas. Latiers duain dunnas consultar lur medi avant ch'ir en pajais pertutgads.

Enfin ussa è Zika vegnì constatà en passa 30 pajais. Ins suppona ch'il virus chaschunia grevas defurmaziuns dals uffants betg naschids. La WHO è da l'avis ch'ins duess lubir l'abort a dunnas pertutgadas.

RR novitads 06.00