L'anteriura infurmanta da Wikileaks, Chelsea Manning, duai vegnir per immediat ord la praschun. Quai ha decidì ina dretgira americana. Manning è dapi il matg 2019 en praschun en il stadi Virginia pervi da cuntravenziun cunter la dretgira. Ella era sa dustada da dar perditga sur da Julian Assange, il fundatur da Wikileaks.
Uss è il derschader Anthony Trenga ad Alexandria vegnì a la conclusiun, che sias decleraziuns avant ina dretgira da giuraders na sajan betg pli necessarias. Uschia scrodia era la necessità d'in arrest pervi d'insubordinaziun. Ils advocats da Manning han mesemna orientà, che la relevadra haja en praschun empruvà da prender la vita. Ella saja silsuenter vegnida transportada en in ospital per sa revegnir.
Ord l'archiv
audio
Chelsea Manning
ord Il chavazzin dal di dals 18.01.2017.
Maletg: Keystone
laschar ir. Durada: 3 minutas 24 Secundas.
RTR novitads 06:00