Exteriur - Ankara: Sajets avant l'ambassada americana
Avant l'ambassada americana en la chapitala tirca dad Ankara è vegnì sajettà oz en damaun. Tut las represchentanzas diplomaticas dals Stadis unids en la Tirchia èn perquai restadas serradas, sco l'ambassada communitgescha.
I na dettia nagins rapports davart blessads. La persuna ch'haja sajettà, saja vegnida arrestada.
Ier era l'ambassadur russ en la Tirchia, Andrej Karlow vegnì sajettà giu da l'avertura d'in'exposiziun d'art. Tenor il minister da l'intern tirc è l'attentader in policist indigen da 22 onns.
