Siglir tar il cuntegn

Exteriur Angela Merkel vul restar e sa dosta

La chanceliera tudestga Angela Merkel vul restar en uffizi tut ils quatter onns da la perioda e restar parsura da la CDU, quai malgrà il squitsch. Las duas funcziuns tutgian ensemen.

Angela Merkel en ina intervista.
Legenda: Angela Merkel en ina intervista a la televisiun. Keystone

Quai ha la chanceliera tudestga Angela Merkel ditg en ina intervista da l'emissiun da televisiun dal ZDF «Berlin direkt» la dumengia saira.

Quatter onns èn quai ch’jau hai empermess. Ed jau tutg tar quellas persunas che tegnan lur empermischuns
Autur: Angela Merkelchanceliera tudestga

Ella na resenta nagina perdita d'autoritad. Ed ella ha annunzià ch'ils sis nums dals ministers da la CDU vegnan dads enconuschent fin il di da partida ils 26 da favrer. Quai di vegnan ils delegads da la CDU a decider davart il contract da coaliziun cun la SPD.

Che la CDU haja cedì il ministeri da finanzas a la SPD, fetschia mal. I na fissi dentant betg stà responsabel da laschar far naufragi las contractivas da coaliziun persuenter. L'ultima decisiun davart la regenza da coaliziun prendan ils commembers da la SPD en ina consultaziun da la basa.

RR novitads 06:00