Siglir tar il cuntegn
Inhalt

Exteriur Anc naginas controllas al Brenner

Al mument na vegni a dar naginas controllas per impedir che fugitivs entrian en Austria. Quai han communitgà ils politikers taglians ed austriacs tar ina conferenza da medias cuminaivla.

Tuts 4 sa dan il maun.
Legenda: Al mument èn els perina - da san. Wolfgang Sobotka (minister/A), Guenther Platter (schef da la regenza/Tirol - A), Angelino Alfano (minister/I) e Arno Kompatscher (schef da regenza/Tirol dal sid - I). Keystone
Conferenza da medias cun ils dus ministers.
Legenda: Anc naginas controllas al Brenner - quai din il minister talian Alfano e ses collega austriac Sobotka. Keystone

Ensemen cun ils schefs da las regenzas dal Tirol e dal Tirol dal Sid s'han inscuntrads il minister da l’intern austriac Wolfgang Sobotka e ses collega d’uffizi talian Angelino Alfano sin il Brenner ad ina visita oculara.

Els han fatg a savair ch'igl na dettia al mument naginas controllas da cunfin a la ruta da transit dal Brenner.

Tenor Sobotka è il dumber da fugitivs ch’arrivian al Brenner sa reducì marcantamain grazia a las controllas da l’Italia. Ils plans da l’Austria da far controllas al Brenner èn vegnids crititgads cun vehemenza da l’Italia.

RR novitads 17:00