Siglir tar il cuntegn

Exteriur Anc nagina schliaziun definitiva en Germania

Las contractivas da coaliziun tranter la CDU, CSU e SPD per furmar ina regenza sa tiran a la lunga. Tranter auter n'èn ils temas finanzas e politica da sanadad anc betg schliads.

Lars Klingbeil, secretari general da la SPD.
Legenda: Lars Klingbeil, secretari general da la SPD. Keystone

Il glindesdi saira n'han ils represchentants da las trais partidas CDU, CSU e SPD betg pudì terminar ils discurs da coaliziun, ed han uschia concludì da contractar il mardi vinavant. La veglia da sa cunvegnir saja però qua. Quai ha ditg il secretari general da la SPD, Lars Klingbeil. Il mardi vegnia ad esser il di decisiv per vegnir a fin cun ils discurs.

Anc adina da discutar dattan las finanzas, il dretg da lavur, la politica da l'exteriur e la politica da sanadad. Co reparter ils ministeris na saja er anc betg vegnì discurrì.

RR novitads 06:00