Siglir tar il cuntegn

Exteriur Amnesty International crititgescha la regenza siriana

Dapi il cumenzament da la guerra en la Siria sajan bunamain 18 milli persunas vegnidas per la vita en praschuns sirianas, uschia Amnesty International en in rapport.

Pasturiras fixadas vid in isch.
Legenda: Pastuiras en ina praschun siriana. Reuters

Il rapport da Amnesty che sa basa sin ils rapports da 65 anteriurs praschuniers, mussia ch'els sajan vegnids torturads e millis persunas sajan svanidas senza laschar fastizs. La tortura saja part d'attatgas sistematicas sin mintgin che vegnia supectà d'esser cunter la regenza.

Amnesty renfatscha a la regenza delicts cunter l'umanitad. Ils responsabels stoppian star bun per lur malfatgs e vegnir mess avant dretgira.