Siglir tar il cuntegn

Header

Navigaziun

Schuldads americans durant in exercizi.
Legenda: Dapi la retratga da truppas il 2011 hai dà sulettamain in'unfrenda americana en l’Irac. Keystone
cuntegn

Exteriur America quinta cun ulteriurs cumbats a terra en l'Irac

Suenter in’acziun dal militar american cunter la milissa da terror Stadi islamic en l’Irac ha il minister da defensiun american, Ashton Carter, annunzià da cuntinuar cun talas acziuns a terra.

Sche quai dettia chaschuns d’intervegnir en il cumbat cunter la milissa da terror Stadi islamic, alura vegnia il militar american a prender quellas, ha ditg Carter. Quai na muntia dentant betg, che las truppas americanas cumenzian novas offensivas a terra en l’Irac.

Liberà 70 praschuniers, pers 1 schuldà

Durant in’acziun communabla cun cumbattants curds avevan militars americans liberà la gievgia passada radund 70 praschuniers or dals mauns dal Stadi islamic. Tar l’acziun aveva in schuldà american pers la vita.

Scolar e cussegliar - betg cumbatter

Actualmain sa chattan 3’500 schuldads americans en l’Irac. Els han la funcziun da scolar e cussegliar l’armada da l’Irac e las milissas curdas ch’èn en acziun. Tenor la veglia dal president Obama na duajan las truppas dentant betg sa participar directamain a cumbats a terra cunter ils dschihadists.

RR novitads 06:00